«Бу инсон ҳуқуқларини очиқдан-очиқ поймол қилиш». Ҳуқуқшунос «тонировка» ҳақида

Ҳуқуқшунос Камолиддин Баҳавадинов «тонировка»га қўйилган талаб мантиқсизликдан бошқа нарса эмаслиги ва унга қўйилган нарх «космик» даражада қимматлигини танқид қилди. «Одам ёзда ўзини бироз қулай ҳис қилиши учун 6 ойлик ойлигини емай, ичмай бериши шахсан мен учун мантиқсизлик. Бу инсон ҳуқуқларини очиқдан-очиқ поймол қилиш», — деди у. Қолаверса, машина орқа ён ойнасига парда тақишга рухсат борлиги ва «тонировка» мумкин эмаслигини ҳеч ким тушунтириб бера олмаслигини айтди.